設為首頁加入收藏
站內搜索
tshim-lann5(na5) sik4 e5 tshi1-tsing5-楹 峰(Ing5-hong1)
作者:林紹良    發佈於:2013-05-06 22:16:04    文字:【】【】【

Tshim-lann5(na5) sik4 e5 tshi1-tsing5 教育部 臺羅拼音    楹 峰(Ing5-hong1)/1994  

   kin1(kim)-a2-jit8 gua2 iu7 koh4 khuann3-tioh8 tua7-hai2hai2-tsui2 tsin1-tshing tsin1 thau3-bing5peh8-hun5 tsit8-se3-lui2-a2 tsit8-sio2-lui2thinn-khi3 iu7 koh4 tsiah4-nih4--a2 liang5-song2penn5-penn5--a2 si7 tua7-hai2ui7 tsuann2-iunn7 sim1-tsing5 lann2(na2) e7 long2 bo5 kang7bin7-tui3 tioh8 it4-bong7 bu5-tse3 e5 tua7-hai2sim1put4-ti1-put4-kak4 sui5-tioh8 hai2-ing2 lau5-hiong3 hit-ping5 li2 tua3 e5 soo2-tsai7)
   ia2 e7 ki3-tit4 ku7-linn5(ni5) e5 kin1-a2-jit8 --boo3(hoo2)lan2 bo5-i3-tiong1 sik8-sai7 kau3 pian3-tso3 ping5-iu2bak8-tsit8-e7 linnh4(nih4) i2-king1 kue3 tsit8-linn5(ni5)--loo3 si5-kan kue3-tioh8 ia7 tsin-kin2ian5-hun7ka2--lann7(na7) tshin1-tshiunn7 tsit8-poo7 ing2-uan2 ian2 bue7 suah4 e5 thuan5-ki5 hi3-tshut4u7 tinn1-tinn1sng1-sng1hiam1-hiam1ba5-ba5 e5 tsu1-bi7u7-si5-a2 e7 hoo7--lang5 sim1-sng1 lau5 bak8-sai2ka1-ki7 tiam7-tiam7-a2 sing5-siu7 tioh8 kam2-tsing5 e5 thua1-bua5kam2--kong2 tse1 to7-si7tshu2 ai3 bian5-bian5 tsing5 lan5 tinn5tshu2 hun7 iu1-iu1 bu5 tsin7 hiu1”。tsi2 u7 sim1 tsit8-tsu1-a2 tsit8-tsu1-a2 teh4 tso3-thiann3
  tann1-thau5 khuann3-tioh8 hng7-hng7 e5 hai2-ping5-suann3siok4-bok8 e5 bang7 tsiam7-tsiam7 phu5-tshut4 tioh8 tsit8-pak4 ki5-i7 bi2-le7 e5 ang1-a2-too5 siunn7-tioh8 li2 e5 tshio3-iong5li2 e5 siann1-im1li2 e5 it4-ki2-it4-tong7li2 lai5 a7kiann5-tioh8 put4-pian3 e5 kha1-poo7ham5 hoo7 gua2 sim1-kuann1 e7 phi3-phok8-tshai2 e5 hing5-iann2m7-si7 hun5si7 li2tsin1--e5 si7 li2huan3-siong2 tioh8 kah4 li2 ti7 hai2-pinn1 e5 liau5-a2 tsit8-king1 kan2-tan1 iu7 un1-jiu5 e5 liau5-a2 lai7li2 thenn1 ti7 thenn1-i2khuann3-tioh8 li2 siong7 ai3 khuann3 e5 tsheh4gua2 tshiah4-tioh8 tsit8-liann2(nia2) tah4-sim1 e5 phong3-se1ham5 li2 kong2-tioh8 se3-kan1 siong7 tsue3 ping5-huan5 e5 ue7...,hai2-pinn1 lau5-lai5 tsit8-tsiah4 sio2-phang5-tsun5ju5-ko2 gua2 si7 hit4-tsiah4 bong5-bong5 tua7-hai2 tiong1 e5 sio2-phang5-tsun5li2 kam2 guan7 tso3 in2-tshua7 gua2an1-tsuan5 tsiunn7-liok8 e5 sio2-ting1-thah4an1-lenn1(ne1) siunn7--li2an1-lenn1(ne1) ai3--li2tsiong1 su1-liam7koo1-tuann1siok4-bok8 e5 sim1-su1 pian3-tso3 im1-gak8ian2-tsau3 tshut tsit8-siu2 long7-ban7 iu1-bi2 e5 suan5-lut8gua2 tsai1-iann2 tse1-si7 pi1-kua1u7 tsit8-tiam2-a2 sim1-sng1sim7-tsi3 si7 bu5-kho2 lainn7(nai7)-ho5 e5 biann7(mia7)-un7 kau1-hiang2-khik4gua2 tsai1-iann2 gua2 it4-ting7 ai3 bin7-tui3 hian7-sit8tan7-si7 gua2 bo5-huat4 to5-pi7 tui3 li2 e5 ai3 bo5-huat4 pang3 bue7 ki3 li2 e5 lang5tsun2--kong2 li2 tsi2-si7 gua2 bang7-tiong1 ing2-uan2 e5 tsit8-pak4 too5 gua2 kam1-guan7 tsiong1 lan2 e5 kam5-tsing5 ue7 tso3 tsui2kian1-tang3pian3-sing5 tsit8-hun7 ing2-uan2 bue7-iunn5 e5 seh4tshai7 ua2 ti7 hai2-pinna3..tshim-lann5(na5) sik4 e5 tshi1-tsing5ki5-sit8gua2 tu2-tu2--a2 khai1-si2 ai3--li2 e5 si5-tsun7to7 siunn7-tioh8 ai1-uan3 e5 kiat4-kiok8
  jit8-thau5 tsit4 beh4 loh8-suann1--ahai2-pinn e5 sik8-iong5 tsin-sui2 tsin1 un1-luan2hai2-hong1tshiann2 li2 khin-khin--a2 tshue1ho2---boo3(hoo2)bainn3(mai3) tsha2-tshinn2 gua2 e5 bang7hai2-tsui2 hoo7 kim1-ng5 sik4 e5 sik8-iong5 too3 ka2 ang5-ang5tshenn1-tshenn1peh8-peh8bak8-tsiu1 ia7 pian3-sing5 tsit8-phian3 e5 bong5-bu7tse7 ti7 hai2-pinn1 i2-king1 kui1-kang1--asim1-tsing5 tsin1-thiam2 tsin1-thiam2...。

                          林 紹 良  1994/10/18原稿
                         2003/04/20重修 2010/8 / 再修    2013/6/ 增 臺羅拼音
    臺灣 台江內海    

hai2-pinn1 lau5-lai5 tsit8-tsiah4 sio2-phang5-tsun5,ju5-ko2 gua2 si7 hit4-tsiah4 bong5-bong5 tua7-hai2 tiong1 e5 sio2-phang5-tsun5,li2 kam2 guan7 tso3 in2-tshua7 gua2,an1-tsuan5 tsiunn7-liok8 e5 sio2-ting1-thah4?

   高雄 蚵仔寮燈塔   

                        

Chhim-lann5(na5) sek4 e5 chhi1-cheng5  教羅拼音    楹 峰(Eng5-hong1)/1994  

   kin1(kim)-a2-jit8 goa2 iu7 koh4 khoann3-tioh8 toa7-hai2,hai2-chui2 chin1-chheng chin1 thau3-beng5,peh8-hun5 chit8-se3-lui2-a2 chit8-sio2-lui2,thinn-khi3 iu7 koh4 chiah4-nih4--a2 liang5-song2。penn5-penn5--a2 si7 toa7-hai2,ui7 choann2-iunn7 sim1-cheng5 lann2(na2) e7 long2 bo5 kang7?bin7-tui3 tioh8 it4-bong7 bu5-che3 e5 toa7-hai2,sim1,put4-ti1-put4-kak4 sui5-tioh8 hai2-eng2 lau5-hiong3 hit-peng5 li2 toa3 e5 soo2-chai7)。
   ia2 e7 ki3-tit4 ku7-linn5(ni5) e5 kin1-a2-jit8 --boo3(hoo2)?lan2 bo5-i3-tiong1 sek8-sai7 kau3 pian3-cho3 peng5-iu2,bak8-chit8-e7 linnh4(nih4) i2-keng1 koe3 chit8-linn5(ni5)--loo3 !si5-kan koe3-tioh8 ia7 chin-kin2。ian5-hun7?ka2--lann7(na7) chhin1-chhiunn7 chit8-poo7 eng2-oan2 ian2 boe7 soah4 e5 thoan5-ki5 hi3-chhut4,u7 tinn1-tinn1、sng1-sng1、hiam1-hiam1 、ba5-ba5 e5 chu1-bi7。u7-si5-a2 e7 hoo7--lang5 sim1-sng1 lau5 bak8-sai2,ka1-ki7 tiam7-tiam7-a2 seng5-siu7 tioh8 kam2-cheng5 e5 thoa1-boa5,kam2--kong2 che1 to7-si7“chhu2 ai3 bian5-bian5 cheng5 lan5 tinn5,chhu2 hun7 iu1-iu1 bu5 chin7 hiu1”。chi2 u7 sim1 chit8-chu1-a2 chit8-chu1-a2 teh4 cho3-thiann3。
  tann1-thau5 khoann3-tioh8 hng7-hng7 e5 hai2-peng5-soann3,siok4-bok8 e5 bang7 chiam7-chiam7 phu5-chhut4 tioh8 chit8-pak4 ki5-i7 bi2-le7 e5 ang1-a2-too5 ;siunn7-tioh8 li2 e5 chhio3-iong5,li2 e5 siann1-im1,li2 e5 it4-ki2-it4-tong7,li2 lai5 a7,kiann5-tioh8 put4-pian3 e5 kha1-poo7,ham5 hoo7 goa2 sim1-koann1 e7 phi3-phok8-chhai2 e5 heng5-iann2,m7-si7 hun5,si7 li2?chin1--e5 si7 li2!hoan3-siong2 tioh8 kah4 li2 ti7 hai2-pinn1 e5 liau5-a2 ,chit8-keng1 kan2-tan1 iu7 un1-jiu5 e5 liau5-a2 lai7;li2 thenn1 ti7 thenn1-i2,khoann3-tioh8 li2 siong7 ai3 khoann3 e5 chheh4,goa2 chhiah4-tioh8 chit8-liann2(nia2) tah4-sim1 e5 phong3-se1,ham5 li2 kong2-tioh8 se3-kan1 siong7 choe3 peng5-hoan5 e5 oe7...,hai2-pinn1 lau5-lai5 chit8-chiah4 sio2-phang5-chun5,ju5-ko2 goa2 si7 hit4-chiah4 bong5-bong5 toa7-hai2 tiong1 e5 sio2-phang5-chun5,li2 kam2 goan7 cho3 in2-chhoa7 goa2,an1-choan5 chiunn7-liok8 e5 sio2-teng1-thah4?an1-lenn1(ne1) siunn7--li2,an1-lenn1(ne1) ai3--li2,chiong1 su1-liam7、koo1-toann1、siok4-bok8 e5 sim1-su1 pian3-cho3 im1-gak8,ian2-chau3 chhut chit8-siu2 long7-ban7 iu1-bi2 e5 soan5-lut8,goa2 chai1-iann2 che1-si7 pi1-koa1,u7 chit8-tiam2-a2 sim1-sng1,sim7-chi3 si7 bu5-kho2 lainn7(nai7)-ho5 e5 biann7(mia7)-un7 kau1-hiang2-khek4;goa2 chai1-iann2 goa2 it4-teng7 ai3 bin7-tui3 hian7-sit8,tan7-si7 goa2 bo5-hoat4 to5-pi7 tui3 li2 e5 ai3 ,bo5-hoat4 pang3 boe7 ki3 li2 e5 lang5,chun2--kong2 li2 chi2-si7 goa2 bang7-tiong1 eng2-oan2 e5 chit8-pak4 too5 ,goa2 kam1-goan7 chiong1 lan2 e5 kam5-cheng5 oe7 cho3 chui2、kian1-tang3、pian3-seng5 chit8-hun7 eng2-oan2 boe7-iunn5 e5 seh4,chhai7 oa2 ti7 hai2-pinn,a3..chhim-lann5(na5) sek4 e5 chhi1-cheng5,ki5-sit8,goa2 tu2-tu2--a2 khai1-si2 ai3--li2 e5 si5-chun7,to7 siunn7-tioh8 ai1-oan3 e5 kiat4-kiok8。
  jit8-thau5 chit4 beh4 loh8-soann1--a,hai2-pinn e5 sek8-iong5 chin-sui2 chin1 un1-loan2,hai2-hong1,chhiann2 li2 khin-khin--a2 chhoe1,ho2---boo3(hoo2)?bainn3(mai3) chha2-chhinn2 goa2 e5 bang7,hai2-chui2 hoo7 kim1-ng5 sek4 e5 sek8-iong5 too3 ka2 ang5-ang5、chhenn1-chhenn1、peh8-peh8,bak8-chiu1 ia7 pian3-seng5 chit8-phian3 e5 bong5-bu7,che7 ti7 hai2-pinn1 i2-keng1 kui1-kang1--a,sim1-cheng5 chin1-thiam2 chin1-thiam2...。

                          林 紹 良  1994/10/18原稿
                         2003/04/20重修 2010/8 / 再修    2013/6/ 增 教羅拼音

 

深藍色的痴情 tshim-lann5(na5) sik4 e5 tshi1-tsing5 教育部 臺羅拼音    楹 峰(Ing5-hong1)/1994  

   今仔日我又擱看著大海(kin1(kim)-a2-jit8 gua2 iu7 koh4 khuann3-tioh8 tua7-hai2),海水真清真透明(hai2-tsui2 tsin1-tshing tsin1 thau3-bing5),白雲一細蕊仔一小蕊(peh8-hun5 tsit8-se3-lui2-a2 tsit8-sio2-lui2),天氣又擱者呢仔涼爽(thinn-khi3 iu7 koh4 tsiah4-nih4--a2 liang5-song2)。平平也是大海(penn5-penn5--a2 si7 tua7-hai2),為怎樣心情哪會攏無仝(ui7 tsuann2-iunn7 sim1-tsing5 lann2(na2) e7 long2 bo5 kang7)?面對著一望無際的大海(bin7-tui3 tioh8 it4-bong7 bu5-tse3 e5 tua7-hai2),心(sim1),不知不覺隨著海泳(湧)流向遠遠彼平你滯的所在(put4-ti1-put4-kak4 sui5-tioh8 hai2-ing2 lau5-hiong3 hit-ping5 li2 tua3 e5 soo2-tsai7)
   猶會記得舊年的今仔日否(ia2 e7 ki3-tit4 ku7-linn5(ni5) e5 kin1-a2-jit8 --boo3(hoo2)?咱無意中熟似到變做朋友(lan2 bo5-i3-tiong1 sik8-sai7 kau3 pian3-tso3 ping5-iu2),目一下已經過一年囉(bak8-tsit8-e7 linnh4(nih4) i2-king1 kue3 tsit8-linn5(ni5)--loo3  )!時間過著也真緊(si5-kan kue3-tioh8 ia7 tsin-kin2)。緣份(ian5-hun7)?假若親像一部永遠演未煞的傳奇戲齣(ka2--lann7(na7) tshin1-tshiunn7 tsit8-poo7 ing2-uan2 ian2 bue7 suah4 e5 thuan5-ki5 hi3-tshut4),有甜甜(u7 tinn1-tinn1)、酸酸(sng1-sng1)、薟薟(辛)(hiam1-hiam1) 、麻麻的滋味(ba5-ba5 e5 tsu1-bi7)。有時仔會乎人心酸流目屎(u7-si5-a2 e7 hoo7--lang5 sim1-sng1 lau5 bak8-sai2),家己恬恬也承受著感情的拖磨(ka1-ki7 tiam7-tiam7-a2 sing5-siu7 tioh8 kam2-tsing5 e5 thua1-bua5),敢講這道是(kam2--kong2 tse1 to7-si7)“此愛綿綿情難纏(tshu2 ai3 bian5-bian5 tsing5 lan5 tinn5),此恨悠悠無盡休(tshu2 hun7 iu1-iu1 bu5 tsin7 hiu1)”。祇有心一銖仔一銖仔得作痛(tsi2 u7 sim1 tsit8-tsu1-a2 tsit8-tsu1-a2 teh4 tso3-thiann3)
  眈(tann)頭看著遠遠的海平線(tann1-thau5 khuann3-tioh8 hng7-hng7 e5 hai2-ping5-suann3),寂寞的夢漸漸浮出著一幅奇異美麗的尪仔-圖(siok4-bok8 e5 bang7 tsiam7-tsiam7 phu5-tshut4 tioh8 tsit8-pak4 ki5-i7 bi2-le7 e5 ang1-a2-too5 );想著你的笑容(siunn7-tioh8 li2 e5 tshio3-iong5),你的聲音(li2 e5 siann1-im1),你的一舉一動(li2 e5 it4-ki2-it4-tong7),你來也(li2 lai5 a7),行著不變的腳步(kiann5-tioh8 put4-pian3 e5 kha1-poo7),咸(ham5)乎我心肝會怌噗彩的形影(ham5 hoo7 gua2 sim1-kuann1 e7 phi3-phok8-tshai2 e5 hing5-iann2),毋是雲(m7-si7 hun5),是你(si7 li2)?真的是你(tsin1--e5 si7 li2)!幻想著佮你佇海邊的寮仔(huan3-siong2 tioh8 kah4 li2 ti7 hai2-pinn1 e5 liau5-a2 ),一間簡單又擱溫柔的寮仔內(tsit8-king1 kan2-tan1 iu7 un1-jiu5 e5 liau5-a2 lai7);你撐置撐椅(li2 thenn1 ti7 thenn1-i2),看著你尚愛看的冊(khuann3-tioh8 li2 siong7 ai3 khuann3 e5 tsheh4),我刺著一領貼心的凸紗(gua2 tshiah4-tioh8 tsit8-liann2(nia2) tah4-sim1 e5 phong3-se1,咸你講著世間上最平凡的話(ham5 li2 kong2-tioh8 se3-kan1 siong7 tsue3 ping5-huan5 e5 ue7)...,海邊流來一隻小帆船(hai2-pinn1 lau5-lai5 tsit8-tsiah4 sio2-phang5-tsun5),如果我是彼隻濛濛大海中的小帆船(ju5-ko2 gua2 si7 hit4-tsiah4 bong5-bong5 tua7-hai2 tiong1 e5 sio2-phang5-tsun5),你敢願做引(chhoa7)我(li2 kam2 guan7 tso3 in2-tshua7 gua2),安全上陸的小燈塔(an1-tsuan5 tsiunn7-liok8 e5 sio2-ting1-thah4)?安呢想你(an1-lenn1(ne1) siunn7--li2),安呢愛你(an1-lenn1(ne1) ai3--li2,將思念、期待,孤單、寂寞的心思變做音樂(tsiong1 su1-liam7koo1-tuann1siok4-bok8 e5 sim1-su1 pian3-tso3 im1-gak8 ),演奏出一首浪漫優美的旋律(ian2-tsau3 tshut tsit8-siu2 long7-ban7 iu1-bi2 e5 suan5-lut8),我知影這是悲歌(gua2 tsai1-iann2 tse1-si7 pi1-kua1),有一點仔心酸(u7 tsit8-tiam2-a2 sim1-sng1),甚至是無可奈何的命運交響曲(sim7-tsi3 si7 bu5-kho2 lainn7(nai7)-ho5 e5 biann7(mia7)-un7 kau1-hiang2-khik4);我知影我一定愛面對現實(gua2 tsai1-iann2 gua2 it4-ting7 ai3 bin7-tui3 hian7-sit8),但是我無法逃避對你的愛(tan7-si7 gua2 bo5-huat4 to5-pi7 tui3 li2 e5 ai3 ),無法放未記你的人(bo5-huat4 pang3 bue7 ki3 li2 e5 lang5),準講你只是我夢中永遠的一幅圖(tsun2--kong2 li2 tsi2-si7 gua2 bang7-tiong1 ing2-uan2 e5 tsit8-pak4 too5 ),我甘願將咱的感情畫做水(gua2 kam1-guan7 tsiong1 lan2 e5 kam5-tsing5 ue7 tso3 tsui2)、堅凍(kian1-tang3)、變成一份永遠未溶的雪(pian3-sing5 tsit8-hun7 ing2-uan2 bue7-iunn5 e5 seh4),栽偎佇海邊(tshai7 ua2 ti7 hai2-pinn),啊..深藍色的痴情(a3..tshim-lann5(na5) sik4 e5 tshi1-tsing5),其實(ki5-sit8),我抵抵也開始愛你的時陣(gua2 tu2-tu2--a2 khai1-si2 ai3--li2 e5 si5-tsun7),道想著哀怨的結局(to7 siunn7-tioh8 ai1-uan3 e5 kiat4-kiok8)
  日頭即欲落山也(jit8-thau5 tsit4 beh4 loh8-suann1--a2),海邊的夕陽真媠真溫暖(hai2-pinn e5 sik8-iong5 tsin-sui2 tsin1 un1-luan2),海風(hai2-hong1),請妳輕輕仔吹(tshiann2 li2 khin-khin--a2 tshue1),好否(ho2---boo3(hoo2))?甭吵醒我的夢(bainn3(mai3) tsha2-tshinn2 gua2 e5 bang7),海水乎金黃色的夕陽(too3)到紅紅(hai2-tsui2 hoo7 kim1-ng5 sik4 e5 sik8-iong5 too3 ka2 ang5-ang5)、青青(tshenn1-tshenn1)、白白(peh8-peh8),目睭也變成一片的濛霧(bak8-tsiu1 ia7 pian3-sing5 tsit8-phian3 e5 bong5-bu7),坐置海邊已經歸工也(tse7 ti7 hai2-pinn1 i2-king1 kui1-kang1--a),心情真忝真忝(thiam2)(sim1-tsing5 tsin1-thiam2 tsin1-thiam2)...。

                          林 紹 良  1994/10/18原稿
                         2003/04/20重修 2010/8 / 再修    2013/6/增臺羅拼音

海水乎金黃色的夕陽(too3)到紅紅(hai2-tsui2 hoo7 kim1-ng5 sik4 e5 sik8-iong5 too3 ka2 ang5-ang5)、青青(tshenn1-tshenn1)、白白(peh8-peh8),目睭也變成一片的濛霧(bak8-tsiu1 ia7 pian3-sing5 tsit8-phian3 e5 bong5-bu7),坐置海邊已經歸工也(tse7 ti7 hai2-pinn1 i2-king1 kui1-kang1--a),心情真忝真忝(thiam2)(sim1-tsing5 tsin1-thiam2 tsin1-thiam2)...。

                        

 

深藍色的痴情       楹 峰/1994 

   今仔日我又擱看著大海,海水真清真透明,白雲一細蕊仔一小蕊,天氣又擱者呢仔涼爽。平平也是大海,為怎樣心情哪會攏無仝?面對著一望無際的大海,心,不知不覺隨著海泳(湧)流向遠遠彼平你滯的所在。
   猶會記得舊年的今仔日否?咱無意中熟似到變做朋友,目一下已經過一年也!時間過著也真緊。緣份?假若親像一部永遠演未煞的傳奇戲齣,有甜甜、酸酸、薟薟(辛) 、麻麻的滋味。有時仔會乎人心酸流目屎,家己恬恬也承受著感情的拖磨,敢講這道是“此愛綿綿情難纏,此恨悠悠無盡休”。祇有心一銖仔一銖仔得作痛。
  眈(tann)頭看著遠遠的海平線,寂寞的夢漸漸浮出著一幅奇異美麗的尪仔--圖;想著你的笑容,你的聲音,你的一舉一動,你來也,行著不變的腳步,咸(ham5)乎我心肝會怌噗彩的形影,毋是雲,是你?真的是你!幻想著佮你佇海邊的寮仔,一間簡單又擱溫柔的寮仔內;你撐置撐椅,看著你尚愛看的冊,我刺著一領貼心的凸紗,咸你講著世間上最平凡的話...,海邊流來一隻小帆船,如果我是彼隻濛濛大海中的小帆船,你敢願做引(chhoa7)我,安全上陸的小燈塔?安呢想你,安呢愛你,將思念、期待,孤單、寂寞的心思變做音樂,演奏出一首浪漫優美的旋律,我知影這是悲歌,有一點仔心酸,甚至是無可奈何的命運交響曲;我知影我一定愛面對現實,但是我無法逃避對你的愛,無法放未記你的人,準講你只是我夢中永遠的一幅圖,我甘願將咱的感情畫做水、堅凍、變成一份永遠未溶的雪,栽偎佇海邊,啊..深藍色的痴情,其實,我抵抵也開始愛你的時陣,道想著哀怨的結局。
  日頭即欲落山也,海邊的夕陽真媠真溫暖,海風,請妳輕輕仔吹,好否?甭吵醒我的夢,海水乎金黃色的夕陽(too3)到紅紅、青青、白白,目睭也變成一片的濛霧,坐置海邊已經歸工也,心情真忝真忝(thiam2)...。
               林 紹 良  1994/10/18原稿
                         2003/04/20重修 2010/8 / 再修

 

 
 
腳注信息
版權所有‧歡迎轉貼 / 請尊重原創作者權益    Copyright(C)2009-2015    台中市海洋台語文研究學會
訪問統計